Eguzki-Urnieta 2 - 2 Portugalete

Euskadiko ligaren 3. txanda, eta Portugaletetik abiatu dira gurekin jokatzera. Gure laukotea ezin da ohorezkoa izan, Iosuk, Luis Angelek, Javik eta Claudiok jokatu dute. Hasi eta bi ordura ematen zuen etxekoek erraz irabazi behar zutela, baina esaten dute xake %90an taktika dela, eta hori frogatu da, ez baduzu taktika ikusten txarra. Ikus dezagun zer gertatu den.

Iosu – Ibon Barrio 0-1

Apertura intentzio agresiborik jabe jokatu dute biek. Hala ere lehenengo hanka sartzea beltzak egin du. Iosuk aprobetxatzen du peoi isolatu batekin beltza usteko, eta hortik abiatzen da errege beltza erasotzeko. Baina momentu erabakigarrian ez dauka denbora nahiko behar dena kalkulatzeko, hori gertatzen da 20 minutu berandu heldu zelako, edo ez, eta Axg6 ez du ikusten 5 mugimendu jarraian. Dena den, amaiera batera heltzen da Iosuk abantaila daukala, baina bere posizioari hara-kiri eginez galtzen du.

Enrique Ayesta – Luis Angel berdinketa

Bi sobietar Curaçaon.

Javi – Aritz Zabala berdinketa

Beltza aperturako zelada batean erortzen da, baina Javik ez du asmatzen jipoiarekin, eta posizioa berdintzen da. Hala ere beltzak ahulgune permanente dauka eta bere konpentsazioa dinamikoa da. Gauzak horrela Javik abantaila lortzen du berriro baina ez du linea bat bukaeraraino kalkulatzen eta zaldia irabazi ordez, dorreen amaiera batera heltzen da peoi bat gutxiago. Peoi guztiak hegal berdinean zeuden, Javik ondo defendatzen du eta ordu bat geroago berdinketa sinatzen da.

Alberto Cano – Claudio 0-1

Ematen du Claudiok hobeto zekiela nola jokatu apertura eta laster posizio hobea lortzen du. Baina detaile taktiko bat ez du ikusten, posizioa berdintzen duena, beltzak ikusi zuen baina ez zuen ondo baloratu. Pixka bat geroago zurien txanda zen kale taktiko bat egiteko. Claudiok ikusten du eta peoi bat irabazten du, eta gainera f2-n sartzen du zaldi bat. Baina Claudioren txanda zen akats taktikoa egiteko, eta oso larria, oso azkar mugitzeagatik ahalbidetzen du konbinazio bat garaipena emango liokena zuriari. Albertok ere ez du ikusten eta amaiera batera heltzen da non Claudiok peoi bat gehiago daukan. Segidan zuriak beste peoi bat galtzen du eta hemendik aurrera Claudiok ez zion beste aukera eman.

Datorren astean Gazteizera, Egidazuren kontra jokatzera.

Orvina B 1,5 - 2,5 Eguzki-Urnieta

Asteburu hotza eta gu Iruñeara joan behar, eta gure zain, beti gogorrak diren Orvineroak, kasu honetan beraien B moduan. Baina gure galako taldea hara joan zen joan den asteko estropezua konpontzeko, eta lortu zuten. Ikus dezagun zer gertatu zen.

Gustavo Jimenez – Iosu berdinketa

Zuriak apertura ez-ohiko jokatu zuen (hau behin baino gehiagotan ikusiko dugu kronika honetan). Ematen zuen zuriak harri orma bat jokatzen ari zirela. Nolanahi ere Iosuk berehala berdindu zuen partida, eta segidan abantaila lortu zuen. Baina hautatu zuen plana ez zen onena eta galdu zuen abantaila. Zurien txanda zen erasotzeko, eta orduan sartu ziren +30’ fasean. Ez da erraza denbora gutxiokin jokatzea, eta biek akatsak egin zituzten. Azkenean berdinketa, emaitza justua.

Luis Angel – Gonzalo Mombiela berdinketa

Halako Reti apertura jokatu zen, baina beltzak erabaki zuen beste harriko orma eraikitzea. Ez zuen asko iraun eta erasora jo zuen. Luis Angelek ondo defenditu zen eta beltza amaiera pasatzerakoan akats bat egin zuen eta iniziatiba zurien eskuetara erori zen. Hala ere, eskuratutako abantaila ez zen nahiko irabazteko eta bukaeran berdinketa adostu behar izan zuten.

Javier Sevilla – Félix berdinketa

Félixek arrisku handi hartuz jokatu zuen apertura, eta oso posizio taktiko batera heldu zen. Posizio hauetan ordenagailua da errege eta berehala markatzen ditu bi jokalarien akatsak, eta asko egon ziren. Bere ustean ebaluazio +2tik -2ra, eta bueltan joan zen bizpahiru aldiz. Gero Felixek lortu zuen -5 bat, baina ez zuen asmatu eta gero sakrifikatutako pieza ez zen konpentsazio nahiko. Hala ere nahi peoi lortuta zituen zuriak berdinketarekin adosteko.

Javier – Roberto Monje 1-0

Siziliana ez-ohiko batean ematen du zuriak abantaila txiki bat lortu zuela berehala. Abantaila ez zen oso handia izan partida osoaren zehar, baina Javi beti arazoetan jartzen zuen beltza mugimendu bakoitzean. Dorreen amaiera batera heldu zen eta zuriak peoi bat irabazi zuen. Denok dakigu zein zaila den horrelako posizioak defendatzea, eta beltzak aukerak galdu zituen, ia bukaera arte, berdinketa lortzeko. Hala ere momentu batean erregea lauki txar batera mugitu zuen eta Javik mate eman zion.

Emaitza ona, animoak ematen dizkiguna horrela jarraitzeko. Hurrengo arerio talde berria, Portugalete etxean. Animo eta irabazi!

Eguzki-Urnieta 1,5 - 2,5 Santa Ana

Beste urtero Euskadiko ligan eta helburua, berriro, maila mantentzea da. Aurten zailago ikusten dugu, igo diren taldeak oso gogorrak izango direlako. Horren lekuko gure lehenengo arerioa, Santa Ana taldea, Tuterakoa. Elo aldetik oso parekoak gara, oso partida gogorrak izango zirela bagenekien, eta azkenean, ia gure lehenengo jardunaldi guztiak bezala, emaitza hobea atera izan genukeen. Goazen partidetan zer gertatu den ikustera.

Iosu – Daniel Roldán 0-1

Bukatu zen azken partida, eta buelta gehien eman zituena. Beltzak esperimentu bat saiatu zuen aperturan. Iosuk erantzun ona eman zion, baina beti bezala, denbora asko eman zuen erantzun hau aurkitzeko, eta gero faltan bota zuen. Iosuk oso eraso sendoa muntatu zuen, baina exekuzioan, denboragatik, kale egin zuen. Onez gero beltzak iniziatiba hartu zuen eta peoia bat irabazi. Partidaren amaiera oso mugitua izan zen, biek aukerak galtzen partida irabazteko (beltzaren kasuan), edo berdintzeko (zuriaren kasuan). Kale bat egiteko azkena Iosu izan zen.

Iñigo Ortin – Luis Ángel berdinketa

Luis Angelek beri betiko estiloa aurkeztu zuen, catenaccio totala. Kasu honetan kate hori ez zuen askatu eta pixka bat pasiboa gelditu zen. Zorionez, zuriak modu egokiena ez zuen aurkitu katea apurtzeko eta berdinketara heldu zen.

Félix – David Garrido berdinketa

Apertura ez-ohiko bat eta gero Felixek abantaila txiki bat lortu zuen. Baina ezin izan zuen ondo burutu eta deskuidu taktiko baten ondorioz peoi bat galdu zuen. Baina ez zegoen dena galduta, nahiko konpentsazioa zeukalako, baina ez gehiago. Posizioa sinplifikatu zen eta berdinketa adostu zen.

Moises Laguardia – Javi berdinketa

Javiren iritziz zuriak nahiko gaizki jokatu zuen apertura eta ondorioz oso erraz lortu zuen posizio orekatu bat. Oso ondo jokatuz abantaila lortu zuen, irabazi behar zuela ematen zuenean, denbora gutxi erlojuan, Felix bezala, peoi bat galdu zuen eta berdinketarekin konformatu behar izan zen.

Oso aukera ona galdu dugu, irabazita eduki genezakeen txanda bat porrotarekin amaitu zen. Hain liga parekatuarekin arriskutsua izan daiteke maila mantentzeko. Hurrengo txanda Orvina B-ren kontra, lehen txandako liderrak.